Guesting ni Pia sa Kris TV, tuloy pa rin!

NASULAT noong Huwebes na kinansela raw ni Kris Aquino ang guesting ni 2015 Miss Universe Pia Wurtzback sa programang Kris TV at base sa pagkakasulat, hindi raw nagustuhan ng TV host/actress na idinenay ng beauty queen na nag-date sila ni Presidente Noynoy Aquino noon.

Hindi ito totoo dahil gustong-gusto ni Kris si Pia dahil inamin nga nitong lumabas sila ni PNoy.

Ayon kay Kris nang maka-text namin siya noong Huwebes bago siya lumipad patungong Bangkok kahapon para sa commercial shoot ng isang detergent soap, ”Why would I not want to interview her? Sa presscon, ‘di ba, I said nga I was so grateful to her (Pia) when everyone was attacking PNoy last year, she didn’t deny that they had dated.”

Kaya naniniwala kaming matutuloy ang guesting ni Pia sa Kris TV isa sa mga araw na ito.

Samantala, bilang SM ambassadress ay binisita ni Kris ang SMDC Light Residences noong Huwebes at dahil pinagkaguluhan siya ay naging listo ang marshalls pero kaagad silang inawat ng TV host/actress.

Post ni Kris, ”they waited patiently while I toured around SMDC Light Residences & Mall. Happy to have made some people happy today because I told the marshals magpapa-picture muna ako & to let everyone come nearer to me.”

Samantala, habang tinitipa namin ang balitang ito ay okay na si Bimbybunga ng pagkaka-untog nito sa eskuwelahan niya noong Miyerkoles ng umaga.

FACT SHEET – Reggee Bonoan