Diet, nagsuplado sa presscon ng Bakit Manipis ang Ulap?

SPEAKING of Diether Ocampo, halatang wala sa mood nang dumating siya sa presscon ng teleseryeng Bakit Manipis ang Ulap?lalo na noong kumustahin siya ay parang pilit pa ang pagkakasabing, ”I’m good.”

At nalaman ng entertainment press na kaya wala sa mood si Diether ay dahil,”kaka-break lang po niya (Diet),” pambubuking ni Claudine na ikinaloka ng aktor.

Talagang tinitigan nang husto ni Diether si Claudine pero hindi siya pinansin ng aktres at tuloy pa rin sa pagsasabing malungkot talaga ang aktor ngayon.

Si Michelle Cojuangco Barrerra ang binabanggit na girlfriend dati ni Diether na related din kina Kris Aquino.

Matatandaang na-link si Diet noon kay Kris dahil nagkasama sila sa pelikulangDalaw na entry ng Star Cinema sa Metro Manila Film Festival noong 2010.

Going back to Diether, natanong tuloy si Claudine kung paano niya nalaman ang tungkol sa paghihiwalay nina Diet at Michelle.

“‘Di po ba, mag-best friends kami ni Diet? Naligaw lang siya ng landas kasi,” at napatigil ang aktres dahil talagang hindi na siya nilubayan ng aktor na kulang na lang ay agawin ang mikropono.

As expected, ayaw magkuwento ni Diether at kunwari ay pormal siya para hindi na siya kulitin ng entertainment press.

Na-miss namin tuloy ang dating Diether Ocampo kapag may presscon na makulit, palatawa, at mapagbiro at umaamin kapag may isyu.

Anyare Diet?

FACT SHEET – Reggee Bonoan