HATAW! D'yaryo ng Bayan hatawtabloid.com
AKALAIN mo Ateng Maricris, naging pasaway din pala si Luis Manzano noong teenager siya?
Inamin ito ng nanay niyang si Batangas Governor Vilma Santos-Recto sa presscon ng Everything About Her na minsan ay dumanas sa problema ang panganay niyang si Lucky.
Sa kuwento kasi ng pelikula nina Ate Vi, Xian Lim, at Angel Locsin ay hindi kasundo ng una ang aktor bilang anak niya kaya naman natanong kung naranasan na ito ng Star for All Season sa dalawang anak niyang lalaki.
At inamin nga na parati raw lasing noon si Luis, edad 18 o 19 ito at kapag tinanong ni Ate Vi kung anong problema ng anak ay sinasabi raw nitong,”because I don’t know what I want in life!”
Sa tanong kung dumaan din si Luis sa drugs, ”hindi ko alam, eh. Pero dumaan siya sa pag-inom, nagkaroon ng masamang barkada. But I am very proud. Look at Lucky now, ‘di ba? And the good thing is, he was able to survive. Naka-guide lang kami sa kanya, but he was able to survive by himself with the guidance of the parents. So, I’m very proud of my son.”
Anyway, mapapanood na ang Everything About Her sa Enero 27 mula sa Star Cinema na idinirehe naman ni Joyce Bernal.
FACT SHEET – Reggee Bonoan
