Bea, ‘di raw nakasama kay Zanjoe dahil sa family reunion

NAGULAT ang taong malapit kina Bea Alonzo at Zanjoe Marudo sa nabalitaan niyang hiwalay na ang dalawa.

Kaya ang tanong kaagad sa amin ay, “sino nagsulat at saan lumabas?”

Hindi raw kasi ito nabalitaan ng kausap namin kaya gulat na gulat siya bukod dito ay hindi pa niya nakakausap sina Bea at Zanjoe.

Natanong namin kung bakit pawang solo pictures ni Zanjoe ang ipino-post sa IG account nito at ‘yung iba ay kasama ang ilang kaibigan minus Bea.

Kaya hindi maiwasang magduda ang netizens na baka nga break na ang dalawa dahil hindi sila magkasama noong Bagong Taon sa Europe na nagselebra si Zanjoe.

Sabi sa amin ng taong malapit sa dalawa, “oo, hindi makaalis kasi si Bea dahil marami silang family reunions.

“Hindi ko pa nakakausap ‘yung dalawa kasi nagbakasyon din ako, pagbalik ni Zanjoe, ask ko silang dalawa.”

Tsinek namin ang IG account ni Bea kung may mga post siya tungkol sa sitwasyon nila ni Zanjoe, pero wala naman.

Hmm, bakit ba parati na lang nababalitang hiwalay na sina Bea at Zanjoe, Ateng Maricris?

FACT SHEET – Reggee Bonoan