Preso nagbigti sa selda

WALA nang buhay nang natagpuang  ang isang 37-anyos preso habang nakabigti sa loob ng selda ng Manila City Jail (MCJ) sa Sta Cruz, Maynila kahapon.

Kinilala ang biktimang si Rolando Reformado, may-asawa, nakakulong sa MCJ sa kasong parricide, at residente sa P. Paredes St., Sampoaloc, Maynila.

Sa report ni Det. Alonzo Layugan ng Manila Police District (MPD)-Homicide Division, dakong 7 a.m. nang matagpuang nakabigti ang biktima sa loob ng kanyang cubicle sa Dorm 12, ng MCJ sa Sta. Cruz, Maynila.

Ayon kay Michael Dela Cruz, isa ring inmate, ginising niya ang kapwa preso para sa head count ngunit napansin ang biktimang nakabigti ngunit nakaupo sa Indian position, at may takip na polo shirt ang bibig.

Ayon kay Layugan, nagtangka na rin magpakamatay ang biktima noong nakaraang taon ngunit napigilan ng mga kapwa preso.

Iniimbestigahan ng mga awtoridad ang insidente upang mabatid kung may naganap na foul play sa pagkamatay ng biktima.