P106-M inilaan para sa bala ng fighter jets

NAGLAAN ang gobyerno ng P106.13 milyong pondo para sa ammunitions o bala ng bagong FA-50 fighter jets.

Ayon kay Col. Restituto Padilla, spokesperson ng Armed Forces of the Philippines (AFP), ang naturang pondo ay ibibili ng 93,600 rounds of ammunition ng A50 modified gun system ng fighter jets.

Kukunin ang pondo mula sa AFP Modernization Act Trust Fund.

“These will be used for the guns of the aircraft. The 20mm ammos will use for the aircraft’s gun. Part of the procurement process is the armament system for our FA-50s,” ani Padilla.

Isasagawa ang pagbili ng naturang mga bala sa pamamagitan ng public bidding at pre-bid.

Magugunitang dumating sa bansa ang dalawang FA-50 mula Korea noong Nobyembre 28,2015.