Baldwin: Bigyan n’yo ako ng tsansa sa Ateneo

UMAPELA ang bagong head coach ng Ateneo de Manila University sa UAAP na si Thomas “Tab” Baldwin sa Basketball Coaches Association of the Philippines na bigyan siya ng pagkakataong makipag-usap sa kanila tungkol sa pagharang ng grupo sa pagkuha sa kanya ng Blue Eagles.

Sa panayam ng ilang mga taga-media sa ensayo ng Gilas Pilipinas noong Lunes ng gabi, sinabi ng Amerikanong national coach na siya ang inalok ng pamunuan ng Ateneo at hindi siya kusang lumapit sa pamantasan.

“I have sympathy for their (BCAP) rationale but their questions are based on trying to protect local coaches,” wika ni Baldwin. “As a foreign coach, I didn’t seek to come here to the Philippines. I was brought here. One of the important things for MVP (Manny V. Pangilinan) and SBP (Samahang Basketbol ng Pilipinas) was that I make contributions to the basketball community and that I help the local coaches.

“It’s important to me that I don’t try to undermine the local coaches but I try to help them out with the experience that I had, I try to get back to them. The spirit of what I’m trying to say counteracts what I’m talking about. Hopefully, we’ll try to agree on that and there will be no issues.”

Kinuha ng Ateneo si Baldwin upang muling pasiglahin ang programa ng basketball sa pamantasan pagkatapos na pumalpak ang Blue Eagles sa ilalim ni dating coach Bo Perasol.

Iginiit din ni Baldwin na wala siyang nakikitang problema sa kanyang sabay na paghawak sa Gilas at sa Ateneo.

Wala na si Kiefer Ravena sa Ateneo sa susunod na taon kaya mga batang manlalaro ang hahawakan ni Baldwin tulad nina Ponso Gotladera, Arvin Tolentino, Thirdy Ravena at CJ Perez na dating manlalaro ng San Sebastian.

( James Ty III )