HATAW! D'yaryo ng Bayan hatawtabloid.com
HINDI makakasama ni Alex Gonzaga sa Bagong Taon ang lalaking nagpapasaya sa kanya at dahilan ng pamumulaklak ng buhay niya na si Carlo Chungunco, law student sa Ateneo de Manila University at galing sa buwena familia.
Isasama kasi si Alex ng mag-asawang Paul Soriano at Toni Gonzaga-Soriano sa New York City at San Francisco, USA na roon magha-honeymoon ang dalawa.
Simula kasi nang ikasal sina direk Paul at Toni ay hindi pa nakalabas ng bansa dahil pareho silang busy at dahil siguro mami-miss pa rin ng huli ang kapatid na si Alex kaya isasama nila.
Sabi ni Alex ay ang kuya Paul pa raw niya ang nagpa-reserve ng sarili niyang kuwarto sa hotel na tutuluyan nila sa mga nasabing bansa.
Hmm, hindi kaya malungkot si Alex dahil mag-isa lang siya sa kuwarto at imposibleng makikuwarto siya sa mag-asawa?
Hirit ni Alex, ”siguro, double deck kami.”
Medyo naughty na ang usapan ng entertainment press kay Alex kung hindi ba siya maiinggit kapag nakarinig siya ng ingay sa kabilang kuwarto.
“Hello? Tingin n’yo naman, hindi ako nagpalagay ng CCTV? Chos!” tumatawang sagot ng dalaga.
May ka-holding hands naman na ang aktres kaya hindi na siya maiinggit pa.
Biro ng ibang katoto kay Alex, ‘wala namang sex life?’
Mabilis na sabi ng dalaga, ”mabubuhay ka naman na walang ano (sex) Magtu-27 na ako, nabuhay ako na walang ganoon. Mamamatay ako na puwede ako na walang ganoon.”
At ‘pag kasal na siya at saka lang daw siya babawi, ”oo, todo.”
Sa tanong kung kailan niya ipapipitas ang ‘bulaklak’ niya, ”mamaya, mamaya (pagkatapos ng presscon) ha, ha, ha,” tumatawang sabi ulit.
Aware raw si Alex na natutuyo ang bulaklak, ”oo naman. Kaya kailangan, dinidiligan.”
Anyway, mukhang botong-boto ang magulang ni Alex sa bago niyang ka-exclusively dating dahil pinapayagan siyang lumabas kasama ang guy hanggang 12 midnight.
“Hindi lang daw sila boboto kapag lumampas kami sa curfew,” sabi ng dalaga.
Nakilala raw ni Alex si Carlo sa mga kaibigan ng kaibigan niya, ”kaya hindi ko kilala ‘yung common friends ng friends nila,” say ng dalaga.
At pakiwari namin ay magdyowa na sina Alex at Carlo dahil litrato nila ang nakalagay sa Facebook account ng guy.
Purong Chinese si Carlo at tapos ng BS Psychology at kasalukuyang kumukuha ngayon ng law sa Ateneo de Manila University, mahilig sa sasakyan at nakatira sa exclusive subdivision sa Makati City.
Mahilig talaga si Alex sa chinito.
Samantala, nagbiro si Vhong na kapag hindi raw kumita ang entry ng Quantum Films, MJM Productions, Inc., Tiko Film Production, at Buchi Boy Films naBuy Now, Die Later ay kasalanan ni Alex.
Makakasama nina Vhong at Alex sina Sweet John Lapus, Rayver Cruz, Markki Stroem, Janine Gutierrez, TJ Trinidad, at Lotlot de Leon mula sa direksiyon niRandolf Longjas.
FACT SHEET – Reggee Bonoan
