Kasamaan ni Arjo, ‘di pa sukdulan sa Ang Probinsyano

SPEAKING of halimaw umarte, walang kasing samang kontrabida si Arjo Atayde bilang si Joaquin na talagang lahat ng nakakapanood ng Ang Probinsyano ay napapailing sa galing ng aktor.

Nabanggit nga namin ito sa taga-Dreamscape Entertainment na maraming humahanga kay Arjo na televiewers dahil ang sama-sama niyang kontrabida ni Coco Martin.

“Hindi pa todo ‘yun, papasimula pa lang, papa-akyat palang ‘yung kasamaan niya, magkakaroon siya ng moment na talagang sobrang sama,” banggit sa amin.

‘Huh, di nga’ balik-tanong namin sa kausap namin, ”oo nga, hintayin mo, wala pa ‘yan,” sabi ulit sa amin.

Sabagay, puro pang-aasar at pailalim palang ang mga ginagawa ni Joaquin kay Cardo baka ang susunod ay pisikalan na o gagantihan na nito ang pamilya o mga mahal sa buhay ng probinsiyanong pulis.

Anyway, masaya kami para kay Arjo dahil ito ang big break na hinihintay niya sa career niya kaya naman pinagbubuti niya at pawang positibo naman ang lahat ng naririnig naming komento sa kanya.

“Okay makisama si Arjo, hindi showbiz, magalang at masunurin, inaaral niya ang papel niya kaya kasundo niya ang lahat ng tao,” sabi sa amin ng taga-production ng Dreamscape Entertainment.

Hmm, sigurado kami, hanggang tenga rin ang ngiti ng magulang ng aktor na sina Sylvia Sanchez at Papa Art Atayde.

 

FACT SHEET – Reggee Bonoan