Bela, na-starstruck kay Maja kaya nahirapang umarte

MAY rason pala kung bakit tila nahirapang umarte si Bela Padilla sa mga unang eksena niya kasama sina Maja Salvador, Onyok, at Coco Martinsa FPJ’s Ang Probinsiyano.

Ito ‘yung sinugod ni Bela si Coco sa pag-aakalang asawa niya sa bahay nito na dinatnan niya sina Maja at Onyok.

Gigil na gigil ang reaksiyon ni Bela, pero nakulangan kami at maging ang mga nakapanood samantalang si Maja ay mata lang ang gumalaw dahil nga hindi rin niya alam ang gagawin dahil hindi pa naman buking na si Coco ay bilang si Cardo na at hindi na si Ador.

Sobrang starstruck pala si Bela kay Maja kaya medyo na-awkward siya nang magkaharap silang dalawa.

Kuwento sa amin ng taga-ABS-CBN, ”siyempre, natulala si Bela kasi ba naman, Maja Salvador ‘yung ka-eksena niya, eh, ang galing-galing ni Maja. Pero kita mo naman ngayon, palaban na si Bela, napapanood mo ba?”

Oo nga, malaki na ang pagbabago ngayon ni Bela dahil kontrolado na ang facial expression niya at pasasaan ba’t mahahasa rin siya dahil halos lahat ng artistang kasama sa Ang Probinsiyano ay pawang mga ‘halimaw’ umarte.

FACT SHEET – Reggee Bonoan