HATAW! D'yaryo ng Bayan hatawtabloid.com
NAKATUTUWA ang mag-asawang Mar Roxas at Korina Sanchez-Roxasdahil inuna nilang magpa-Christmas and Thanksgiving party sa entertainment press na ginanap sa Novotel Hotel, Cubao noong Miyerkples ng gabi na may titulong Paskong Matuwid.
Sabi ni Mar, nagpapasalamat siya sa asawang si Korina (kasama angRated K staff at publicist nitong si Chuck Gomez) dahil dalawang buwan daw itong inasikaso at ini-schedule para personal na mapasalamatan nila ang showbiz press na tumutulong sa kanila.
Naikuwento rin ng dating DILG secretary ang ilang insidente kung paano niya nakilala ang ibang entertainment press noong wala pa siya sa mundo ng politika at special mention nga niya si Manila Standard entertainment editor, Isah V. Red.
Pinasalamatan din nito ang showbiz press sa extended tulong naman sa kanyang esposang si Korina. Napaka-simple ng party at maging ang mga ipinarapol ay hindi rin ganoon kalalaking premyo bagay na inaasahan ng iba na para sa amin ay tama lang din dahil mas maraming taong mas nangangailangan ng tulong.
Hindi pinag-usapan ang tungkol sa politika pero nabanggit naman ni Korina ang tungkol sa mga kaliwa’t kanang batikos kina Daniel Padilla atKathryn Bernardo na tumanggap daw ng malaking halaga para iendoso si Mar.
Base raw sa survey ay 80% pa rin ang naniniwala sa KathNiel at 20% lang ang apektado.
Ini-launch din ang music video na komposisyon ng mga alaga ni Arnold L. Vegafria na sina Billy Crawford, Kris Lawrence, at Jay-R na ipinakita na rin kung sino-sinong kilalang celebrities ang susuporta kina Kuyang Mar at Camarines Sur Representative Leni Robredo na pinangunahan nga ng KathNiel, Karylle, Melai Cantiveros, Jason Francisco, Ramon Bautista, stand-up comedian Lassy, James Yap at iba pang hindi namin matandaan na.
At bago ang pinaka-main event na Rockkaoke sing-off contest ay una munang nagparinig ng kanilang awitin sina Laguna Vice Governor Dan Fernandez, 6th District of Quezon City Representative Alfred Vargas, at si Presidentiable Mar sa awiting To Love Somebody ni Michael Bolton at inialay nila ito kina Regal Matriarch, Lily Monteverde at Ms Korina.
Kumanta rin si Ms Korina ng Kahit Maputi Na Ang Buhok Ko at nagulat kami dahil maganda pala ang timbre ng boses ng Rated K host. Hinihiritan pa ng isa pang awitin si ate Koring pero umayaw na siya dahil gusto na nilang mapanood ang mga katotong sumali sa pakontes na sina Ronnie Carrasco, Leo Bukas, Dominic Rea, Francis Simeon, Ambet Nabus, Manay letty Celi, Karen Pagsolingan, at Mario Dumaual.
Ang saya-saya ng naging botohan kung sino ang mananalo sa pamamagitan ng palakpak at tabla sina Manay Letty at Mario sa grand winner pero nagparaya na ang huli kay Manay na iuwi ang premyo.
Walang umuwing luhaan sa mga hindi nagwagi sa Rockkaoke dahil lahat ay may consolation prize.
ni Reggee Bonoan
