Negosyante kritikal sa ‘suicide’

HINIHINALANG nagtangkang tapusin ang kanyang buhay ng isang 66-anyos negosyante makaraang matagpuang duguan at may tama ng bala sa ulo kamakalawa sa Parañaque City.

Inoobserbahan sa Las Piñas Doctors Hospital ang biktimang si Tommy Gutierrez, ng 237 Palanyag Road, Gatchalian 2, Brgy. San Dionisio ng naturang lungsod.

Base sa ulat na nakarating kay Parañaque City Police chief, Sr. Supt. Ariel Andrade, dakong 2 p.m. nang matagpuan ang biktimang duguan ng kanyang kinakasamang si Marichel .

Agad humingi ng tulong ang ginang para dalhin sa nabanggit na ospital ang biktima.

Iniimbestigahan ng pulisya ang insidente upang mabatid kung may naganap na foul play.