HATAW! D'yaryo ng Bayan hatawtabloid.com
NAGULAT kami sa sinabi raw ng misis at lucky charm ni Direk Carlo J. Caparas na si Ms Donna Villa na hindi raw importante sa kanya kung hindi kumita ang Angela Markado ni Andi Eigenmann na release ng Viva Films dahil maraming projects pa naman daw silang gagawin at gusto lang nilang gumawa ng ingay.
Narinig lang naming pinag-uusapan ito ng mga katoto kaya napakunot- noo kami dahil kung totoong nabanggit ito ni Ms Donna, eh, ibig sabihin hindi siya naniniwala sa pelikulang idinirehe ng asawa niya?
Ikaw Ateng Maricris, naniniwala ka rin bang hindi kikita ang Angela Markado? Base naman kasi sa trailer ng pelikula ay maayos naman at gusto naming panoorin ito dahil gusto naming ikompara kung kaninong bersiyon ang mas maganda, ‘yung kay Hilda Koronel o kay Andi?
Anyway, ito rin ang pahayag ng kilalang personalidad sa showbiz na naniniwalang hindi pa kaya ni Andi magdala ng sariling pelikula dahil sa imahe niyang negatibo.
Ang mataray na sabi ng kilalang personalidad sa showbiz na narinig mo rin Ateng Maricris, ”ano bang pelikula niya (Andi) ang kumita na?”
Anyway, hoping pa rin kami na baka matsambahan ni Andi ang Angela Markadodahil ganitong klaseng istorya ang gusto ng mga mature viewer bukod sa mala-Popoy and Basha ng A Second Chance na mahigit P100-M na ang kinikita sa loob lang ng tatlong araw.
Gusto mo Ateng Maricris, sabay nating watch ang Angela Markado sa opening day nito sa December 2, Miyerkoles?
FACT SHEET – Reggee Bonoan
