HATAW! D'yaryo ng Bayan hatawtabloid.com
SA Sabado, Nobyembre 28 ang The Milby Way concert ni Sam Milby sa KIA Theater Araneta Center, Cubao at base sa tinanungan naming ticketnet tungkol sa ticket selling ay “malakas po.”
Naniniwala rin naman kaming mabenta ang concert tickets ni Sam dahil sa tuwing nagagawi kami sa KIA Theater ay marami ang nagbabasa ng concert poster niya at interesado kung saan bibili ng ticket.
Ipagdiriwang ni Sam ang 10th anniversary niya sa showbiz sa pamamagitan ng concert na produced ng Cornerstone Events para sa mga supporter niya na hindi siya iniwanan kahit na minsan ay hindi aktibo ang aktor sa acting career niya dahil matagal siyang nasa ibang bansa.
Kahit na abala si Sam sa Doble Kara tapings kasama si Julia Montes at Written In Our Stars kasama naman sina Toni Gonzaga at Piolo Pascual na mapapanood na sa 2016 handog ng Dreamscape Entertainment ay naglaan talaga siya ng oras para sa rehearsals ng The Milby Way show na hindi palang ibinibigay sa amin kung ano-ano ang mga kakantahin ng Rockoustic Heartthrob.
Sa ginanap na Kapamilya Krismas 3 noong Linggo sa Trinoma Mindanao Open Parking ay maraming supporters sina Sam at Julia bilang sina Sebastian at Kara/Sara kaya naman nagpasalamat nang husto ang dalawa sa mainit na pagtanggap sa kanila kahit ilang linggo palang silang napapanood sa serye as love team.
Ang isa pang inaabangan sa darating na The Milby Way concert ni Sam ay ang pagdalo ng special girl niyang half Australian at half-Japanese na si Maria Jasmine.
FACT SHEET – Reggee Bonoan
