HATAW! D'yaryo ng Bayan hatawtabloid.com
IISA ang tanong ng loyalistang supporters ni Jennylyn Mercado, ”bakit po hindi kasama si Jen sa Christmas Station ID ng GMA?
Nagtanong naman kami sa mga taong kinauukulan tungkol dito dahil wala naman kaming alam.
“Hindi available si Jen the time na nag-shoot sila ng station ID, pero after ng ‘Starstruck’ (Biyernes), kukunan na,” sabi sa amin ng taga-GMA.
Hirit pa ng kausap naming taga-GMA, ”isisingit na lang siya (Jennylyn), pati nga sina Regine (Velasquez) at Nora (Aunor) ngayon (Biyernes) din kukunan.”
Ganoon naman talaga ang nangyayari na kapag hindi puwede ang artista ay kinukunan na lang ng hiwalay at saka isisingit at hindi halatang naisingit kung maganda ang editing, ‘di ba Ateng Maricris.
Hindi lang naman sa GMA nagkaroon ng ganitong isyu, maging sa ABS-CBN din ay may malaking artistang hindi nakunan noon dahil kaliwa’t kanan ang trabaho pero nagawang isingit, ‘yun nga lang nagka-problema sa suot nito kaya ang ginawa ay ipinatong ang mukha sa ibang tao na in fairness ay hindi rin halata kung hindi alam ang kuwento at kung hindi mabilis ang mata ng viewer.
FACT SHEET – Reggee Bonoan
