HATAW! D'yaryo ng Bayan hatawtabloid.com
BIGGEST BREAK ni Andi Eigenmann ang pelikulang Angela Markado. Isa ito sa klasikong pelikulang pinamahalaan ni Direk Lino Brocka noong 1980 at tinampukan ni Hilda Koronel. Si Direk Carlo J. Caparas ang creator nito at sa remake ng naturang pelikula, siya na ang naging direktor nito.
“Nang malaman ko na gagawin ko ang Angela Markado, parang nalula ako. Lalo na nang sinabi sa akin ni Direk Carlo na magkasama naming gagawing markado ang pelikula para finally maging markado rin ang aking pagiging artista.
“Natutuwa ako sa chance na ito at kung anuman ang kinalabasan ng pelikula, tulong-tulong po kami rito at siyempre pa, ang talagang credit nito ay na kay Direk Carlo J. Caparas,” saad ni Andi.
Ginagampanan dito ni Andi ang papel na biktima ng gang rape na naghiganti sa mga lalaking gumawa sa kanya ng karumal-dumal na krimen. Showing na ito sa December 2.
Halos matunaw naman si Andi sa mga papuring ibinigaysa kanya ng direktor nila rito sa presscon ng pelikula. Sinabi kasi ni Direk Carlo na kakaiba ang galling ni Andi salahat ng aktres nanakatrabaho na niya. Umaarte raw kasi ang mata ni Andi at bagay sa papel niya bilang rape victim sa remake ng naturang pelikula.
Samantala, lalabas naman sa ikalawang pagkakataon sa pelikula ang magiting na PAO Chief na si Atty. Persida Acosta. Unang lumabas siya sa pelikulang Maratabat ni Direk Arlyn dela Cruz. Ayon kay Atty. Acosta, hindi siya nagdalawang isip na tanggapin ang pelikula.
“Hindi naman ako nagdalawang isip sa movie offer na ito, kasi maganda ang pelikula at may katuturan ito. Isa pa, magaling kasi si Direk Carlo J. Caparas,” saad pa ni Atty. Acosta na isa sa mga tagapagtanggol ng mga OFW sa mga insidente ng laglag-bala sa NAIA ngayon.
ALAM MO NA! – Nonie V. Nicasio
