HATAW! D'yaryo ng Bayan hatawtabloid.com
AKALA namin si Marco Gumabao ang makaka-loveteam ni Ria Atayde o Teacher Hope sa pang-umagang seryeng Ningning, hindi pala.
“Naku tita Reggee, hindi po, Marco will be my cousin sa story at saka sila po ni Maris (Racal), he, he, he wala po akong ka-loveteam,” masayang sabi ng baguhang aktres.
Sa madaling salita, wala pang napipiling ka-loveteam si Teacher Hope, ‘bakit hindi na lang kayo ni Ketchup (Eusebio) para magkaroon ng pangalawang nanay si Ningning,’ sabi namin kay Ria. “Ano ka ba tita Reggee, parang ang aga ko naman maging madrasta? Hindi po ba puwedeng ate or tita muna, 2nd mom agad?” katwiran ng dalaga.
Oo nga naman, unang teleserye ni Ria, gaganap na siyang nanay, baka naman ma-typecast na siya tama ba Ateng Maricris?
“Hindi naman po ako namimili ng role, parang nakatatawa lang, I like kuya Ketchup, okay kami,” sabi pa ni Ria.
Eh, kung galing na sa viewers ng Ningning ang mga request na si Teacher Hope na lang ang maging ‘nanay’ ni Jana Agoncillo?
“Ha, ha, ha, ha kaloka ka tita Reggee okay na rin para mas exposed sa mga scene, ha, ha, ha, ha,” natatawang sagot ng dalaga.
Oo nga, si Mamay Pacing (Sylvia Sanchez) muna ang bigyan ng love team (Rommel Padilla) bago si Teacher Hope.
FACT SHEET – Reggee Bonoan
