GMA-7, binibili raw ng isang kilalang kompanya sa Japan

AWARE ka ba sa tsikang binibili ng kilalang kompanya sa Japan ang GMA-7Ateng Maricris?

Natanong kami ng aming source, ”do you know that a big company in Japan is buying GMA 7?”

Sabi pa, ”I was in a meeting with these Japanese investors for some projects then they told me na they’re having negotiations with GMA 7 and parang okay naman na. Hindi na kasi ako nagtanong regarding GMA. Anyway, I’ll let you know.”

Nabanggit din ng aming source na may meeting siya with the Japanese investors sa Trinoma Mall noong Sabado ng umaga, 10:00 a.m. at timing naman na kausap namin an gaming patnugot dito sa Hataw na may event daw siyang dadaluhan sa nasabing mall.

Special guest daw ang kilalang cosplayer na si Alodia (cosplayer) sa pagbubukas ng isang online store na pawang Japanese items ang laman at kasunod ay mayCool Japan Festival na ginaganap naman sa activity center ng Trinoma.

Samantala, nabanggit ng aming source na konektado sa Hallo2 Alliance company ang kausap niyang Japanese investors na bibili sa GMA 7 at tutulong din sa projects ng aming source rito sa Pilipinas.

Tsinek namin ang binabanggit na Hallo2 Channel ng aming source na may kinalaman pala sa online programming at custom-designed and personalized digital network.

Sa madaling salita, swak ang planong pagbili ng mga nabanggit na Japanese investor sa GMA network.

FACT SHEET – Reggee Bonoan