HATAW! D'yaryo ng Bayan hatawtabloid.com
MUKHANG nagsu-survey pa ang Star Cinema kung sino ang gaganap na Darna sa TV series/pelikula nila dahil base sa nalaman naming taga-ABS-CBN ay wala pa naman daw talagang napipili as in.
Binanggit namin sa aming kausap na lumutang ang mga pangalan nina Liza Soberano, Sofia Andres, Jessy Mendiola, at Julia Montes na pinagpipiliang maging Darna.
“Talaga? As far as I know, wala naman pang napili, sa pagkakaalam ko, walang sinasabi pa sa amin,” kaswal na sagot ng aming kausap na taga-Dos.
Samakatuwid, ‘yung binanggit ni Angel Locsin sa panayam niya sa Tonight With Boy Abunda na may napili na ang Star Cinema ay hindi pa concrete o wala pang mukha kung sino ang kapalit niya bilang si Darna, Ateng Maricris?
Kasi kung mayroon ng napiling Darna, tiyak alam ito mismo ng mga taga-Dos na nasa mataas na posisyon.
Baka nga depende sa survey kung sino ang gusto ng netizens na maging Darna.
Samantala, sa mga pangalang nabanggit ay nangunguna ang pangalan ni Liza na bagay daw maging Darna.
Pero teka, hindi ba masyadong bata si Liza para maging Darna, ateng Maricris.
FACT SHEET – Reggee Bonoan
