Maniobra sa kalaban itinanggi ng Palasyo (Sa 2016 polls)

WALANG isinasagawang maniobrang legal ang Palasyo para walisin ang malalakas na makakalaban ng manok ng administrasyon na si Mar Roxas sa 2016 presidential election

Ito ang sinabi ni Deputy Presidential Spokesperson Abigail Valte kaugnay sa mga paratang na gumagamit ang administrasyon ng koneksyon sa iba’t ibang ahensiya ng pamahalaan partikular na sa Korte Suprema, Senate Electoral Tribunal (SET), Commission on Elections (Comelec) at Office of the Ombudsman

Hindi aniya kukonsintihin ni Pangulong Benigno Aquino III ang maruming pamumulitika at makakaasa ang mga kalaban ng administrasyon sa halalan na magkakaroon nang malinis at patas na eleksyon

Ayon pa kay Valte, hindi maitatanggi na ang Pangulo ang nagtatalaga ng mga opisyal ng mga nabanggit na ahensiya ngunit hindi ibig sabihin nito ay gagamitin sila para maalis ang mga balakid para manalo ang manok ng administrasyon

Napaulat na ang sinasabing pangunahing target ng black operations at legal maneuver ay si Sen. Grace Poe.