Walang bodega ng smuggled rice (HCPTI naglinaw)

PINAWI ng pamunuaan ng Harbour Center Port Terminal Incorporated (HCPTI) ang pangamba ng publiko na nag-iimbak ng bigas ang pantalan na hinihinalang ismagel.

Dahil dito inimbitahan ang media para ipakita ang kanilang area at patunayan na rin ng management ng Harbour Center Port Terminal Inc., na walang imbakan ng bigas sa nasabing pantalan.

Ayon kay Melanie Lapore, Media VP for Communications ng Arto Holdings, mula barko idinidiskarga sa mga cargo truck at hindi inilalagay o iniimbak sa bodega dahil iisa lamang ang bodega nila na tanging cold coils ang nagmamantina ng temperatura.

Una nang napaulat ang alegasyon na may imbakan ng bigas sa loob ng Harbour Center bagamat hindi naman naapektohan ang takbo ng pantalan ngunit nakasasama umano ng loob dahil sa paratang.

Napatunayan din ng National Food Authority (NFA) na walang bodega sa loob ng Harbour Center sa ginawang inspeksyon ni NFA administrator Renan Dalisay.

Napag-alaman na ang kanilang mga produkto ay mula sa bansang China.