Gerald, manonood ng Majasty kung iimbitahan ni Maja

SA presscon ni Maja Salvador para sa kanyang Majasty concert ay tinanong siya kung iimbitahan ba niya ang ex-boyfriend na si Gerald Anderson para manood ng kanyang concert. Ang sagot niya, hindi na raw niya kailangang imbitahan pa si Gerald.

Bumili na lang daw ito ng maraming tickets. Hindi niya raw magagawang sabihin ‘yun sa dating minamahal kaya idinadaan na lang daw niya sa biro.

Nang matanong naman si Gerald sa presscon ng latest offering ng Star Cinema naEveryday I Love You na pinagbibidahan nila nina Liza Soberano at Enrique Gilkung manonood siya ng concert ni Maja, ang sagot nito ay kung iimbitahan daw siya ng dating minamahal ay posibleng manood siya at isasama pa raw niya ang family at friends niya.

Willing daw siyang bumili ng tickets kahit daw sa VIP section pa kung iimbitahan nga raw siya ni Maja na manood ng conert.

Ayan Maja, manonood pala ng concert mo si Gerald, kung iimbitahan mo siya. So, huwag ka nang mahiya, imbitahan mo na siya. Dagdag din sa kikitain ng concert mo ang bibilhing tickets ni Gerald.

MA at PA – Rommel Placente