HATAW! D'yaryo ng Bayan hatawtabloid.com
NAG-CONCEDE na si Angel Locsin bilang Darna dahil hindi na raw niya ito magagawa sa 2016 dahil nga sa sakit niya sa Spine na pabalik-balik na nakuha niya noong malaglag siya sa kabayo habang ginagawa ang pelikulang Love Me Again kasama si Piolo Pascual noong 2009.
Sa one-on-one interview ni Angel kay Boy Abunda sa Tonight With Boy Abunda ay inamin ni Angel na sobrang nalungkot siya dahil gusto rin naman daw niyang gawin ang Darna sa ABS-CBN na unang ginawa niya sa GMA 7.
Hindi naman itinago ng aktres na malaki ang nabago sa buhay niya simula nang gawin niya ang Darna kasama na ang pamilya niya.
Nabanggit ni Angel na isa sa mga araw na ito ay iaanunsiyo ng Star Cinema kung sino ang gaganap na Darna sa TV series.
Nasulat ko na rito sa Hataw Ateng Maricris ‘di ba na ipapasa na ni Angel ang bato ni Darna kay Liza Soberano pero hindi pa ito ina-anunsiyo ng ABS-CBN.
Ito ang sitsit sa amin ng aming source, pero may tsika ring kino-consider si Sofia Andres na maging Darna.
We have nothing against Sofia dahil gustong-gusto namin ang batang ito dahil mabait at magalang, hindi nga lang makatanda ng pangalan, pero hindi namin ito pine-personal dahil maayos kausap.
Pero mas bagay kay Liza ang papel na Darna dahil para sa amin ay perfect ang mukha niya at bagay ding naka-costume.
At ang gusto ng lahat na gaganap na Ding ay si Onyok sa seryeng Ang Probinsiyano dahil bibong bata, magaling umarte at mabilis ang memorya.
Kung tatanungin naman kami kung sino ang bagay na leading man ni Liza ay tiyak na si Enrique Gil ang sasabihin ng lahat kasi nga love team, pero para sa amin ay bakit hindi sumubok ng ibang young actor para naman hindi nakakasawa.
Anyway, hintayin na lang natin ateng Maricris ang anunsiyo ng Star Cinema kung sino ang final choice para maging Darna.
FACT SHEET – Reggee Bonoan
