Pagtakas ni Cho ipinabubusisi ni SoJ Caguioa

MAHIGPIT na ipinag-utos ni Justice Secretary Alfredo Benjamin Caguioa na imbestigahan ang dalawang beses na pagtakas ng Korean fugitive na si Cho Saeng Dae mula sa kamay ng mga kagawad ng Intelligence Service, Armed Forces of the Philippines (ISAFP).

Sa kanyang unang Linggo bilang bagong Department of Justice (DoJ) Secretary, tila naging ‘pasalubong’ ni Bureau of Immigration (BI) Commissioner Siegfred Mison, kay former Chief Presidential Legal Adviser Caguioa ang kaso ni Cho.

Ito ay binansagan ngayong “not once but twice” na ‘pagtakas’ ng South Korean fugitive na si Cho sa kanyang mga bantay sa ISAFP Detention  Center sa Camp Aguinaldo, Quezon City.

Kamakailan nagpatawag ng press conference si Mison matapos mahuli si Cho sa Parañaque City matapos tumakas sa BI Bicutan detention cell, pero muling tumakas sa pangalawang pagkakataon!

Si Cho ay sinabing sangkot sa human trafficking at ilan pang illegal na gawain sa kanilang bansa pero nakatakas sa kanilang bansa at nakarating sa Filipinas.

Noong unang tumakas ang Koreano, napabalitang tumataginting na P1-M umano ang ibina-yad.