South Asia niyanig ng magnitude 7.5 lindol (N. Afghanistan, Pakistan, India)

NIYANIG nang malakas na lindol ang northern Afghanistan, at naramdaman din ang pagyanig sa Pakistan at norhtern India.

Nabatid na umabot sa 40 katao ang napaulat na namatay sa Pakistan, habang 20 ang naitalang binawian ng buhay sa Afghansitan bunsod ng magnitude 7.5 quake na maganap sa sentro ng mabundok na Hindu Kush region, 75km (46 miles) south ng Faizabad, ayon sa ulat ng US Geological Survey.

Nilisan ng mga tao ang mga gusali sa kapital ng tatlong bansa at naputol ang komunikasyon sa maraming mga lugar.

Sa Afghan province ng Takhar, 12 estudyante ang namatay sa naganap na stampede sa girls’ school bunsod ng lindol.

Habang lima katao ang namatay sa eastern afghan city ng Jalalabad, ayon sa ulat ng hospital sources.

Karamihan sa mga namatay sa Pakistan ay sinasabing mula sa northern trial areas.

Ayon sa ulat ng mga opisyal, naganap ang lindol sa lalim na  212km. Ang magnitude ay inisyal na naitala sa 7.7 ngunit kalaunan ay ibinaba.

Ang mga tao sa Indian capital Delhi ay nagtakbuhan sa mga kalsada makaraan ang lindol, habang inilikas ang mga tao mula sa mga paaralan at opisina.