LizQuen, walang category o level ang relasyon

MATATAG pa rin ang LizQuen tandem pagkatapos ng insidente sa loob ng eroplanong sinakyan nina Enrique Gil at Liza Soberano patungong London para sa ASAP event. Kaya may nag-iisip kung may sikreto ba ang dalawa kung paano nila napananatiling matatag ang kanilang tambalan.

“Walang secret. Ang secret ay walang level o category o ‘asan na ba kayo? Ang secret ay walang secret talaga,” pag-amin ng aktor.

Puwedeng isiping magkasundo ang dalawa sa anumang bagay. “Exclusive talaga. Para sa akin, kahit 17 lang siya, hindi pa siya puwede. ‘Yung level-level na ‘yan wala namang meaning sa amin ‘yan. Basta, sa akin special siya.”

Parang hindi naapektuhan ang dalawa sa kontrobersiya. “Lagi naman kaming nariyan para sa isa’t isa kahit anong mangyari. We know each other. Well, ako po alam ko po talaga kung ano ang nangyari. Ako po ang katabi ni Enrique. Ayaw ko lang balikan ang issue kasi matagal nang tapos at bakit kailangan pang palakihin,” paliwanag naman ni Liza sa Bench Kashieca LoveStyle event sa Trinoma Activity Center.

Naniniwala kami sa pahayag ng aktor na hindi pa sila magsyota ni Liza dahil hindi pa pinapayagang magka-BF si Liza hanggang wala pa siyang 18.

“MU lang kami, mutual understanding or more on “murag ‘uyab’ (it’s a Visayan dialect which means, ‘parang magsyota.’). Kahit hindi pa kami basta exclusive kami. Bawal ako sa iba, bawal din siya sa iba,” giit ni Quen (tawag kay Enrique).

STARNEWS UPLOAD – Alex Datu