HATAW! D'yaryo ng Bayan hatawtabloid.com
NGAYONG araw, Oktubre 20 magpaparehistro si Daniel Padilla at hindi lang binanggit sa amin kung saang Comelec office siya pupunta.
Ayon sa nagkuwento, ito lang daw ang libreng araw ni Daniel para magpa-rehistro kasi nga busy siya sa tapings ng Pangako Sa ‘Yo at sadyang ipina-block din ng batang aktor ang petsang ito.
Naalala namin ng huli naming makausap si Daniel para sa shooting ng online video para hikayatin ang lahat ng first time voters tulad niya, hahanapan niya ng oras ang pagpapa-rehistro dahil hindi siya makakapayag na hindi niya ma-exercise ang karapatang bumoto lalo’t taxpayer siya, oo nga, ang laki ng ibinabawas sa kanya ‘no!
Nakakatawa kasi tinanong pa kami kung nakarehistro na at dapat daw tamang kandidato ang iboto namin para hindi masayang ang ibinabayad naming tax.
Sabi pa ni Daniel na mapupuno raw ang Comelec office dahil bitbit niya ang buong tropa niya na magpaparehistro rin at hindi raw niya mabilang kung ilan sila.
Kasama ni Daniel ang reel/real loveteam niyang si Kathryn Bernardo sa pagpaparehistro.
FACT SHEET – Reggee Bonoan
