HATAW! D'yaryo ng Bayan hatawtabloid.com
UMAKYAT na sa 60 ang nag-file ng COC para sa pagka-Presidente ng Pilipinas kaya naman naiiling ang maraming botante kung anong nangyayari na sa bansang ito.
Pinagtatawanan na nga ng ibang bansa ang Pilipinas ay mas lumala pa dahil sa nabalitaang kahit sino ay puwedeng kumandidato bilang Presidente na halatang nanggugulo lang.
Sasalain naman ng Commission on Elections ang mga ito kaya tiyak na matitira lang ang limang maglalaban-laban tulad nina Senators Miriam Defensor-Santiago, Grace Poe-Llamanzares, Vice President Jejomar Binay, dating TESDA Chief, Bobby Syjuco, at Secretary Mar Roxas.
Nang magpahayag si Senator Miriam na kakandidato siya bilang Presidente ay nabuhay ang loyal supporters niya at talagang nagbunyi pa.
Pahayag nga ng nakararami, dahil hindi na tuloy sa pagka-pangulo si Davao Mayor Rodrigo Duterte, si Miriam na lang daw ang iboboto nila. Pero kung hindi naman daw nagsabi si Miriam ay si Secretary Roxas ang pipiliin nila kompara kina Binay at Llamanzares.
At para kay presidentiable Syjuco na rating TESDA Chief ay si Mar lang ang mahigpit niyang kalaban. Kaya naglakas loob na kumandidato si Ginoong Bobby dahil baka raw makasingit siya dahil si Grace ay posibleng ma-disqualify dahil sa citizenship, samantalang si Binay ay dahil sa graft and corruption kaya technically, si Mar lang daw ang mahigpit niyang katunggali sa pagka-Presidente.
Matatandaang nawala sa puwesto si ginoong Bobby bilang TESDA Chief dahil sa kasong graft and corruption dahil kabilang siya sa GMA administration at ipinalit sa kanya si Joel Villanueva na kakandidatong Senador ngayon sa partido Liberal.
Sabi pa ni ginoong Syjuco ay ganoon daw talaga kapag hindi kapartido, gagawan ng kaso. At nagulat kami sa slogan ni Mr. Syjuco, ‘maki-Baka, ‘wag maki-Baboy kadiri!’
Binasa namin ang makapal na pahinang plataporma at hinaing ng former TESDA chief na galit nag alit sa mundo dahil galit na raw ang kababayang Pinoy sa mga nangungurakot. Maganda ang layunin si Mr. Syjuco, pero bakit pagka-Presidente ang gusto niya, bakit hindi na lang Senador ang puntiryahin niya dahil baka naman siya magwagi lalo’t wala siyang partido pala.
Higit sa lahat, wala pang artistang mag-eendoso kay Mr. Syjuco, anyway aware naman ang mama sa sitwasyon niya at aminado siyang umaasa siya sa mga naniniwala sa plataporma niya.
FACT SHEET – Reggee Bonoan
