HATAW! D'yaryo ng Bayan hatawtabloid.com
NADISUBRE ng mga researcher sa Indonesia ang bagong species ng mammal na kung tawagin ay hog-nosed rat, na pina-ngalanan dahil sa anyo nito, na ayon sa mga siyentista ay ngayon pa lang sila nakakita.
Ang ‘da-ga’ ay natagpuan sa masukal at bulubunduking rehiyon ng isla ng Sulawesi sa central Indonesia, pahayag ng mga siyentista ng Museum Victoria sa Australia.
Ang hog-nosed rat na Hyorhinomys stuempkei ay may anyong “never seen by science before” wika ng mga researcher sa opisyal na pahayag sa media.
Ang pagkakadiskubre ng kakaibang daga ay isinagawa ng grupo mula sa Indonesia, Australia at Estados Unidos.
Bukod sa malaki, pango at kulay pink na ilong, na may forward-facing nostrils katulad ng sa baboy, ang Hyorhinomys stuempkei ay may malalaking tainga, maliit na bibig at mahahabang ngipin sa harapan.
Sa mga larawan na ipinakita ng mga siyentista, ma-kikitang kasing laki ito ng normal na daga.
“Namangha talaga ako na sa paglalakad namin sa kagubatan ay makakakita kami ng bagong species of mammal na masasabing iba sa iba pang species ng hayop na tulad nito . . . na hindi pa nai-dodokumento ng siyensiya,” wika ni Kevin Rowe ng Museum Victoria na kasama sa grupo ng mga researcher.
Sinasabing ang Hyorhinomys stuempkei ay carnivorous, o karne lang ang kinakain, at marahil ay kumakain ng mga uod sa lupa at larvae ng mga salagubang.
Kinalap ni Tracy Cabrera
