Mabini ‘di kilala dahil sa pagbabago sa basic education curriculum

ISINISI ni Alliance of Concerned Teachers (ACT-Teachers) partylist Rep. Antonio Tinio sa mga pagbabago sa curriculum sa basic education kung bakit kulang sa kaalaman tungkol sa Philippine history ang mga bagong henerasyon, partikular na ang lumabas na balita na hindi kilala ng mga kabataan ngayon ang tinaguriang “Dakilang Lumpo” na si Apolinario Mabini.

Ayon kay Tinio, mula pa noong 2002, naging emphasis ng bagong curriculum ang mga paksa sa English, Math at Science habang binawasan nang malaki ang mga minuto na nakalaan sa subjects na Filipino at Araling Panlipunan.

Aniya, inaani na natin ang henerasyon na dumaan sa ganitong curriculum kaya hindi na masyadong pamilyar ang mga estudyante sa mga detalye ng kasaysayan ng Filipinas.

Matatandaan, mismong si Pangulong Benigno “Noynoy” Aquino III ay desmayado sa balitang ito makaraang mapanood ng mga kabataan ang pelikulang “Heneral Luna” at nagtakang nakaupo lamang si Mabini.