HATAW! D'yaryo ng Bayan hatawtabloid.com
TRULILI kaya na si Viva boss Vic del Rosario na ang kapalit ni Ms Wilma G. Galvante sa TV5 bilang head ng entertainment?
In passing ay nabanggit ito sa amin ng kilalang aktor ng aksidenteng makita namin sa isang mall kamakailan at masaya niyang ikinuwento na si boss Vic na ang hahawak sa entertainment ng TV5.
“Ia-announce na next month, abangan n’yo,” ito ang sabi ng kilalang aktor na konektado sa Viva.
Samakatuwid Ateng Maricris, hindi mawawala ang entertainment department ng TV5 base sa unang report na dissolved na at pawang line-produce na lang ang mangyayari sa mga programang ipalalabas.
Nagtanong naman kami sa taga-TV5, ”actually Reggs, naririnig namin nga ang pangalan ni boss Vic, pero wala pa namang sinasabi sa amin ang management for now.
“Kaya wala kaming idea, all we know is my partnership si boss Vic to produce shows for cable, so ‘yung magiging entertainment head siya, no idea.”
Isa pang bossing ng Singko ang nagsabing, ”si boss Vic sa cable magpo-produce ng show.”
Pero hirit naman ng isa pang executive ng TV5, ”cleansing lang ang mangyayari sa entertainment.”
Binanggit ang terminong ‘cleansing’ ano ang ibig sabihin, tinanggap ng management ang buong tao sa entertainment at magpapasok ng bagong staff?
“Alam mo na, kailangang magbawas, sobrang laki ng gastos sa mga programa, hindi naman naibabalik,” sabi ng TV5 executive.
Pero ang mga dating boss ng network tulad nina Ms Wilma, Marj Natividad at iba pa ay mananatili sa TV5 bilang line producers ng mga programang Happy Truck Ng Bayan, Happy Wife, Happy Life, at Wattpad.
FACT SHEET – Reggee Bonoan
