Bigtime tulak sa Visayas nakatakas sa parak

CEBU CITY – Nagpalabas na ng direktiba ang direktor ng Police Regional Office (PRO-7) sa Cebu City Intelligence Branch (CIB) na magsagawa ng imbestigasyon sa hinggil sa sinasabing ‘leakage’ na nangyari sa operasyon laban sa tinaguriang pangalawang biggest drug lord sa Central Visayas.

Malaki ang paniniwala ni PRO-7 Director C/Supt. Prudencio Tom Bañas na isang pulis na kabilang sa nasabing operasyon ang nagbigay ng impormasyon sa mga subject ng search warrant na kinabibilangan ni Jeffrey Diaz alyas Jaguar dahilan para hindi na maabutan ng mga operatiba sa kanyang bahay sa Brgy. Duljo Fatima, Lungsod ng Cebu.

Mismong si CIB Chief Supt. Romeo Santander ay duda rin

Dahil itinuring na mataas ang ‘confidentiality’ ng nasabing operasyon.

Samantala, halos P4 milyon halaga ng shabu ang nasabat ng mga awtoridad mula sa 12 bahay ng anim na subject ng search warrant.

Bagama’t nakatakas ang mailap na drug lord ay positibo pa rin ang direktor na mahuhuli ang suspek.

Sinasabing mahirap ma-entrap si Jaguar dahil puno ng CCTV camera ang kanyang bahay at napalilibutan ng mga iskwater na mistulang “human barrier.”