HATAW! D'yaryo ng Bayan hatawtabloid.com
HABANG tinitipa namin ang balitang ito ay hindi pa kami sinasagot ni Kris Aquino kung ano ang nangyari sa meeting niya kay ABS-CBN Head for Free TV, Cory V. Vidanes noong Martes ng gabi tungkol sa pag-alis niya sa programang Aquino and Abunda Tonight kasama si Boy ABunda.
Nabanggit ng aming source noong Martes ng tanghali na nakatakdang makipag-meeting ang Queen of All Media kay Ms. Cory tungkol nga sa AA na iiwan nga niya.
Kaagad naming tinext si Kris kung totoong iiwan nga niya ang Aquino and Abunda Tonight, ”Yes, wait lang please, meeting is at 8PM,” sagot sa amin.
Health reason daw ang dahilan ni Kris sabi ng aming source na sa pagkakaalam niya ay umokey ang ABS-CBN management dahil lagi siyang nagkakasakit habang isinu-shoot ang Etiquette For Mistresses kasama sina Claudine Barretto, Iza Calzado, Cheena Crab, at Kim Chiu mula sa direskiyon ni Chito Rono for Star Cinema.
Pinayuhan daw ang TV host na magbawas ng work load ng kanyang mga kapatid at doktor para maka-recover ulit at maiiwan na lang ang Kris TV na balitang daragdagan na lang ng oras sa umaga.
Nabanggit din sa amin ng aming source na kailangan na ring umpisahan ni Kris ang pelikula nila ni Quezon City Mayor Herbert Bautista na Mr. and Mrs Split na entry sa2015 Metro Manila Film Festival ng Star Cinema na ididirehe naman ni Antoinette Jadaone.
Nabanggit pa na flexible daw ang network ‘pag ganito ang sitwasyon ng artista lalo’t guaranteed contract si Kris.
Speaking AA, magiging The Boy Abunda Show na raw ang titulo, ‘yan ay kung hindi babaguhin, Ateng Maricris.
FACT SHEET – Reggee Bonoan
