HATAW! D'yaryo ng Bayan hatawtabloid.com
SASABAK na sa panibagong misyon ang mga karakter ninaAlex Gonzaga at Ejay Falcon sa pagpapatuloy ng kanilangWansapanataym special na I Heart Kuryente Kid ngayong Linggo (Setyembre 13).
Matapos matuklasan ang kanyang kakaibang kakayahan, gagamitin na ni Tonio (Ejay) ang kanyang kapangyarihan upang tulungan ang kanyang bayan mula sa mga magnanakaw na kumakalat dito.
Samantala, sa gitna ng kaguluhan sa bayan ng Unang Liwanag, gagawin ni Penelope (Alex) ang lahat para hanapin ang misteryosong superhero na tumutulong sa mga tao dahil sa kagustuhan niyang makakuha ng promotion sa trabaho.
Matutuklasan na ba ni Penelope na ang superhero na hinahanap niya at ang kababatang si Tonio ay iisa? Ano naman kaya ang gagawin ni Tonio sa oras na malagay siya at ang kanyang pamilya sa peligro dahil sa kapangyarihan niya?
Kasama rin nina Alex at Ejay sa Wansapanataym Presents I Heart Kuryente Kid sina Miguel Vergara, Bryan Santos, Fourth Solomon, William Lorenzo, Frances Makil-Ignacio,at Tirso Cruz III mula sa panulat ni Philip King at direksiyon ni Andoy Ranay.
Huwag palampasin ang pagpapatuloy ng adventure nina Alex at Ejay sa Wansapanataym Presents I Heart Kuryente Kidngayong Linggo na sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
Maaari na ring panoorin ang full episodes o past episodes ng Wansapanataym gamit ang ABS-CBNmobile. Pumunta lamang sa www.abscbnmobile.compara sa karagdagang impormasyon.
FACT SHEET – Reggee Bonoan
