HATAW! D'yaryo ng Bayan hatawtabloid.com
NOONG Abril30, 1945, habang kinukubkob na ng Allied Forces and Nazi Germany, nagpatiwakal umano sina Adolf Hitler at ang kanyan maybahay sa loob ng isang bunker sa Berlin—tulad ng sinasabi sa kasaysaya ng Ikalawang Digmaang Pandaidig.
Ngunit ngayon ay sinasabi naman ng isang British historian na ang aktuwal na pangyayari ay itinakas ang Führer mula sa Germany ng kanyang mga comrade sa maituturing na malaking cover-up para malinlang ang mundo sa binansagang ‘duplicitous deception.’
Ayon kay Gerrard Williams, isang British journalist, author at historian, may malaking kamalian sa mga record na nagkompirma sa pagkamatay nina Hitler at asawa niyang si Eva Braun, dahil na rin sa nabigong ihayag ng mga Ruso ang kanilang pagkakadiksubre umano ng mga bangkay ng mag-asawa nang bumagsak ang Berlin sa kanilang puwersa noong 1945.
“Naniniwala akong ang tunay na Hitler at ang kanyang maybahay ay itinakas mula sa bunker. Hindi sila nagpakamatay, pinagsinungalingan tayo at hanggang ngayon ay isang kasinungalingan ang ating alam,” punto ni Williams.
Habang sa mga opisyal na record ay nagpatiwakal si Hitler sa pamamagitan ng pagbaril sa sarili sa ulo habang si Eva Braun nama’y uminom ng cyanide pill, ipinilit ng British historian na ang totoo’y mga kamukha lang ng dalawa ang natagpuang mga bangkay na sinunog sa loob ng bunker sa Berlin.
“Suportado ang teoryang ito ng ilang mga eyewitness na nagsasabing wala silang nakitang nabaril. Hindi rin nila nakita ang Führer at ang kanyang asawa na pumasok sa loob ng kanilang pribadong silid sa loob ng bunker. Nakakita sila ng mga bangkay na inilabas mula dito ngunit hindi sina Hitler at Eva na patay nang pareho,” dagdag ni Williams.
Sinabi rin na hindi pinaniniwalaan ng U.S. Federal Bureau of Investigation (FBI) ang pagkamatay ni Hitler kaya pinaghahanap siya sa iba’t ibang sulok ng mundo.
ni Tracy Cabrera
