HATAW! D'yaryo ng Bayan hatawtabloid.com
PATULOY sa paghataw ang career ni Michael Pangilinan. Bukod sa galing niya bilang singer, ganap na actor na rin ang telented na alaga ni katotong Jobert Sucaldito.
Si Michael ang lead star sa stage musical mula Gantimpala Theater Foundation na pinamagatang Kanser. Bukod sa teatro, pati pelikula ay pinasok na rin niya. Unang sabak niya rito ay bida na agad ang singer/actor sa movie na Pare Mahal Mo Raw Ako. Hango ito sa entry sa Himig Handog P-Pop Love Songs na si Michael din ang nag-interpret at komposisyon ni Joven Tan. Siya rin ang nagdirek ng movie version nito na tinatampukan din ni Edgar Allan Guzman.
Ngayong isa si Michael sa eight celebrity contestants ng Your Face Sounds Familiar na magsisimula na ang airing sa Sept. 12, talagang dinadagsa ng blessings ang mabait na binata.
Binansagan dito si Michael bilang Harana Prince at makakasama niya sa YFSF sina KZ Tandingan (Soul Supreme), Kean Cipriano (Rebel Rock Royalty), Myrtle Sarrosa (The Playful Angel), Erik Nicolas (Ang Komikero ng Masa), Kakai Bautista (The Dental Diva), Denise Laurel (The Sultry Heiress), at Sam Concepcion (The Absolute Performer).
Labis nga ang pasasalamat ni Michael sa pagkakataong ibinigay sa kanya.
“Nang sinabi sa akin na pasok daw ako, hindi ko na alam kung ano yung magiging feeling ko. Kaya siyempre, nagpasalamat ako kay God sa mga blessing na ito.”
Aminado rin siyang matinding pressure ang nararamdaman nilang walo dahil sobrang successful ang naunang season ng YFSF.
Good luck sa iyo Michael!
ALAM MO NA! – Nonie V. Nicasio
