Canadian nag-suicide sa hotel (Sarili nilason sa LPG)

MASUSING inimbestigahan ng pulisya ang insidente ng pagpapakamatay ng isang Canadian national sa loob ng isang hotel sa Ermita, Maynila kamakalawa.

Ayon sa ulat na isinumite ni SPO3 Milbert Balinggan kay Inspector Paul Dennis Javier, ng MPD Homicide Section, ibinalot ng biktimang si Terrance Gregory McMullin, 42, Canadian, ng 368 Brock Ave,Toronto, Ontario, Canada, pansamantalang nanunuluyan sa Room 108, Amazona Hotel sa 1402 Sta. Monica St. kanto ng MH Del Pilar, Ermita, Maynila, ang kanyang ulo sa plastic bag at inilagay rito ang hose ng maliit na LPG tank saka binuksan hanggang siya ay mamatay.

Ayon kay SPO3 Balinggan, narekober ang suicide note ng biktima sa loob ng safety box, nakasaad na siya ay magpapakamatay dahil sa problema ng kanilang pamilya.

Ayon kay Glenda Rioveros, front desk officer ng Amazona Hotel, 10:50 p.m. nitong Miyerkoles nang matuklasan ang pagpapakamatay ng dayuhan.