Nathaniel, na-extend

NA-EXTEND ang seryeng Nathaniel ni Marco Masa base na rin sa magagandang feedback mula sa viewers at loaded din ng TVC na supposedly hanggang nitong Agosto lang pero aabutin siya hanggang katapusan ng Setyembre.

Kaabang-abang ang kuwentong mapapanood dahil ipinasok na ang tatlong anghel na sina Enchong Dee (Eldon), Rayver Cruz (Josiah), at Sam Milby (Armen).

Nasulat namin dati na pinababa sa lupa ang tatlong guwapong anghel na may mabubuting puso para sunduin na si Nathaniel pero hindi pa pala dahil may kanya-kanya rin silang mahahalagang papel na gagawin para tuluyang magapi ang kasamaan nina Baron Geilser, Isabelle Daza, at David Chua.

Hindi kaya ng powers ni Nathaniel ang kasamaan ni Baron dahil pati mga inosenteng mamamayan sa malalayong probinsiya ay sinira ang mga pananim at ang mga ilog at sapang pinangdidilig at pinagkukunan ng inumin ay nilagyan din ng lason. Base sa episode ng Nathaniel noong Lunes ay naunang bumaba si Eldon (Enchong) para ayusin ang mga nasirang pananim at inalis ang lason sa ilog/sapa. Kaya naman sobrang tuwa ni Nathaniel at nagpasalamat siya sa kuya Eldon niya, pero binilinan na hindi pa rin tapos ang problema dahil nga nag-iba na ang pananaw ng mga tao sa nasabing lugar.

Bale ba, ang tatlong anghel ay tinapos muna ang mga eksena nila sa Nathaniel bago sila lumipad ng London kahapon, Setyembre para sa ASAP20. Sabi nga sa eroplano na lang daw matutulog ang tatlo.

FACT SHEET – Reggee Bonoan