HATAW! D'yaryo ng Bayan hatawtabloid.com
PANALO ang bagong serye ni Julia Montes na DobleKara sa unang araw nito noong Lunes, Agosto 24 sa Kapamilya Gold.
Nakamit ng Doble Kara sa national TV rating ang 16.9%, kompara sa katapat nitong programa sa GMA na nakakuha ng 15.6% base sa Kantar Media.
Dahil sa pagkasabik ng TV viewers at netizens sa pagbabalik ni Julia, mabilis ding naging nationwide trending topic sa microblogging site na Twitter ang hashtag na #DobleKaraSimula matapos bumuhos ang mga positibong tweets bilang suporta sa teleserye.
Masaya naman ang mga taga-Dreamscape Entertainment dahil sa balitang ito kasama na rin ang cast na sina Carmina Villarroel, Ariel Rivera, Mylene Dizon, Gloria Sevilla, John Lapus, Allen Dizon, Alora Sasam, Anjo Damiles, Edgar Allan Guzman,at Ms Alicia Alonzo para sa kaniyang espesyal na pagganap.
Maging ang mga direktor na sina Emmanuel Palo at Jon Villarin ay nagpapasalamat din sa mainit na pagtanggap sa Doble Kara.
Para sa karagdagang impormasyon kaugnay ng programa, bisitahin lamang ang official social networking site ng Dreamscape Entertainment Television sa Facebook.com/DreamscapePH, Twitter.com/DreamscapePH, at Instagram.com/DreamscapePH.
FACT SHEET – Reggee Bonoan
