Direk Ricky, na-ICU dahil sa paninikip ng dibdib

HABANG isinusulat namin ang balitang ito ay kasalukuyang nasa Intensive Care Unit o ICU ng Tagaytay Hospital si Direk Ricky Rivero na isinugod noong Linggo ng madaling araw dahil sa paninikip ng dibdib.

Ayon sa nagkuwento sa amin, inatake raw ang direktor habang nagte-taping ng pilot episode ng seryeng My Fair Lady na kapalit ng Baker King sa TV5.

Pagod at pressured daw ang dahilan kaya nakaramdam ng hindi maganda si direk Ricky dahil siguro malapit na ang airing ng My Fair Lady dahil nag-last taping day na ang Baker King kahapon.

Wala ang pamilya ni direk Ricky sa Pilipinas kaya’t ang kaibigang singer na si Rachel Alejandro raw ang nag-aasikaso sa kanya at planong ilipat sa Cardinal Santos sa Greenhills para mas madaling madalaw ng mga kaibigan.

May katanungan lang kami na hindi raw sasagutin ng TV5 ang hospital bills ni direk Ricky? Eh, hindi ba’t inabutan ang direktor ng atake habang nagtatrabaho sa bagong programa ng Kapatid Network?

Hindi naman siguro ito trulili ateng Maricris dahil alam namin ay matulungin naman ang TV5 sa mga nangangailangan.

Anyway, balitang ABS-CBN director ang papalit kay direk Ricky sa My Fair Lady na kaibigan niya.

 
FACT SHEET – Reggee Bonoan