HATAW! D'yaryo ng Bayan hatawtabloid.com
NAPAWALANG-BISA na ang kasal nina Iwa Moto at Mickey Ablan kaya masayang-masaya ang aktres nang matanggap niya ang resulta noong Biyernes.
Ikinasal sina Iwa at Mickey noong Oktubre 2009 sa Cavite na pilit itinago ng dalawa dahil sa kani-kanilang career, pero pagkatapos ng isang taong pagsasama ay naghiwalay na kaya’t umamin na rin ang aktres na totoong ikinasal sila.
Kuwento sa amin ng taong malapit kay Iwa, talagang nagsisigaw daw sa tuwa ang aktres dahil ang tagal niyang hinintay iyon.
In fairness, pareho naman daw sina Iwa at Mickey na nag-file ng annulment at cooperative sila sa isa’t isa kaya napawalang bisa na ang kasal pagkalipas ng anim na taon.
Tinanong namin ang taong malapit kay Iwa na ngayong single na ito ay posible bang magpakasal sa boyfriend at ama ng kanyang anak na si Pampi Lacson?
“Ay hindi pa, kasi hindi pa naman annulled ang kasal nina Pampi at Jodi (Sta. Maria),” sabi sa amin.
Oo nga pala, si Jodi ang girlfriend ngayon ni Cavite Vice Governor Jolo Revilla na naghihintay lang din siguro kung kailan naman magiging libre ang aktres.
At para sa kaalaman daw ng lahat ay maganda ang relasyon nina Jodi, Pampi, at Iwa kaya walang problema sa kanila at wala ring nababasang isyu.
Naisip namin bigla na hawig pala sa kuwento ng Pangako Sa ‘Yo ang kuwentong pag-ibig nina Jodi bilang si Amor Powers, Pampi bilang si Eduardo, at si Iwa bilang si Angelica Panganiban na gumaganap bilang si Claudia.
Ang pagkakaiba lang ay hindi ikinasal sina Amor Powers at Eduardo at hindi rin magkabati sina Claudia at Ms Powers.
Samantala, balitang nagpapagawa na rin daw ng sariling bahay si Pampi para sa future family niya dahil sa ngayon ay nakatira siya sa bahay ng magulang niya na si Senator Pamfilo Lacson.
FACT SHEET – Reggee Bonoan
