HATAW! D'yaryo ng Bayan hatawtabloid.com
PINAGPIPIYESTAHAN ngayon ng mga bading ang hubad na katawan ng aktor na si Teejay Marquez sa social media na akala namin ay peke lang, totoo pala.
Ayon mismo sa manager ni Teejay na si katotong John Fontanilla, nawala raw ang cellphone ng aktor na Iphone 6 sa Luneta isang buwan na ang nakararaan.
“May kausap kasi siya noon sa cellphone, tapos binuksan niya ‘yung bintana ng kotse niya, hayun inagaw, wala na siyang nagawa,” kuwento ng katotong John.
Nagulat ang manager ni Teejay dahil matagal na raw nawala ang cellphone at ngayon lang na-upload, siguro nalamang artista ang may-ari.
Oo nga, kung hindi naman kilala si Teejay ay hindi naman pag-aaksayahan ng panahon ng nagnakaw na i-upload ito sa social media.
“Check ko nga ‘yung litrato. Tinetext ko si Teejay hindi pa sumasagot, siguro tulog pa,” sabi pa ng katotong John.
Ayon sa nag-upload na tila nanakot pa, “@teejaymarquezscandal, Remember your lost Iphone more pics soon clearversion.”
Kung iintindihing mabuti ang sinabi ng nag-upload ay parang gusto niyang tubusin ni Teejay ang cellphone niya para hindi ilabas ang iba pang litrato ng aktor.
Hindi naman sinagot ng manager ni Teejay kung anong plano nila sa nawalang cellphone at kung makikipagkita sila sa kumuha.
As of now ay may hinihintay na project si Teejay mula sa Kapamilya Network at sa susunod na buwan daw ay nasa Indonesia ang aktor dahil gagawa siya ng TVC at pelikula.
“Sumikat kasi siya roon (Indonesia) sa pagda-dubmash niya kay Miley Cyrus (‘Twerk it like Miley’),” sabi ng katotong John.
FACT SHEET – Reggee Bonoan
