Mga bossing ng GMA, gandang-ganda sa teleserye nina James at Nadine

Napag-usapan din namin ang bagong romantic comedy serye nina James Reid at Nadine Lustre na gandang-ganda raw ang mga bossing ng GMA.

“Bongga talaga ang ABS (CBN) pagdating sa teleserye nila, glossy at mamahalin. Promising ang JaDine,” diretsong sabi sa amin ng kausap namin.

At dahil magtatapos na ang Bridges of Love na aminadong pinapanood din ng mga taga-GMA, “kaloka, mag-back-to-back ang ‘Pangako Sa ‘Yo’ at ‘On The Wings of Love’? Eh, sino pa ang manonood sa amin (GMA), baka mag-color bars na lang kami.”

Nagkatawanan kami ng aming kausap at oo nga ‘no, pawang hataw sa ratings game ang primetime ng ABS-CBN tulad ng Nathaniel, Pangako Sa ‘Yo at papasok pa nga itong JaDine serye.

Well, aware naman din siguro ang GMA 7 na nakuha ng ABS-CBN ang 45% over-all ratings kompara sa GMA na hindi namin alam kung ilan at balita rin namin ay paaabutin ng Kapamilya Network sa 50% or more, why not?

Hindi diretsong sinabi sa amin pero umaasa silang ang Marimar na pagbibidahan ni Megan Young ang puwedeng ipangtapat sa serye nina Daniel Padilla at Kathryn Bernardo.

Wish nila lang, ‘di ba Ateng Maricris. (Naman! Malayong matalo ang teleserye nina KathNiel. Sa takbo ng istorya talagang kaabang-abang gabi-gabi, idagdag pa ang nangyayari kina Jodi, Ian, at Angelica—ED).

FACT SHEET – Reggee Bonoan