HATAW! D'yaryo ng Bayan hatawtabloid.com
“ANG guwapo-guwapo talaga ni James (Reid) at bagay sila ni Nadine (Lustre),” ito ang iisang reaksiyong narinig namin mula sa fans ng JaDine habang pinanonood namin ang pilot week ngOn The Wings of Love na kinunan sa San Francisco, USA.
Agree naman kami dahil ang ganda ng rehistro ng aktor sa screen, maaliwalas at nakadaragdag pa ang pagiging suplado effect at higit sa lahat, maganda ang katawan at tindig.
Sa totoo lang, nakabibingi ang sigawan ng JaDine supporters at natatawa rin kami dahil sa bawat bitaw ng salita ng dalawa ay may reaksiyon ang fans.
Nakakikilig ang mga eksena nina James Reid at Nadine Lustre dahil effortless nilang inaarte ito at may chemistry talaga sila maski na hindi sila tunay na magkarelasyon.
Mala-tambalang Christopher de Leon at Vilma Santos noong araw na wala namang relasyon pero apektibo ang love team at ito ang nakikita namin kina James at Nadine.
Mapapanood sa pilot week kung paano nagpunta ng San Francisco, USA sina JaDine at kung paano rin sila nagkita’t nagkakilala mula sa direksiyon ni Antoinette Jadaone.
Realidad ang kuwento ng On The Wings of Love na swak sa mga kuwento ng mga kababayan nating TFC subscribers dahil istorya nila ito bilang mga OFW.
Abangan ang On The Wings of Love sa Agosto 10, Lunes pagkatapos ng Pangako Sa ‘Yo o kapalit ng Bridges of Love.
Kasama rin sa On The Wings of Love sina Joel Torre, Albie Casino,Nanette Inventor, Bianca Manalo, Nico Antonio, Nhikzy Calma, Andrei Garcia, Laiza Comia, Cherry Pie Picanche at special participation sina Isay Alvarez at Katya Santos mula sa direksiyon din ni Jojo Saguin handog ngDreamscape Entertainment.
FACT SHEET – Regggee Bonoan
