Coco, nalungkot na ‘di na makakasama si Angeline sa FPJ’s Ang Probinsyano

SI Coco Martin pala ang huling nakaalam na wala na sa FPJ’s Ang Probinsyano serye si Angeline Quinto.

Nalaman lang daw ito ng aktor kamakailan kasi nga bisi-bisihan siya sa sunod-sunod na tapings ng Ang Probinsiyano na malapit ng umere.

Base sa panayam ng aktor sa ABS-CBN news sa ginanap na birthday party ng kanyang lola sa showbiz na si Ms Susan Roces kamakailan.

“Alam ko magkakasama kami pero nabalitaan ko na nagkaroon ng problema sa schedule kasi mayroon na siyang commitments abroad.

“Si Angeline kasi, sa unang pelikula niya, ako na ang kasama niya. Noong napanood ko kasi siya before, sabi niya kasi parang hinahangaan niya ako bilang artista.

“Noong napanood ko, sabi ko balang araw makakatrabaho ko ito. And then ‘yun nga, ginawa namin ‘yung konsepto ng ‘Born to Love You,’ siya talaga ‘yung naisip ko na maging leading lady. Talagang trinabaho namin. Sinamahan ko siya sa workshop. Natuwa naman ako.

“Nalungkot ako noong nalaman ko kasi unang-una, bagay na bagay sa kanya ‘yung role. Pero sabi ko nga, siyempre may management, kung ano ang magiging decision nila. Nakahihinayang kasi hindi nag-match sa schedule niya,” pahayag ni Coco.

Maging si Angeline rin ay nanghinayang dahil nga gustong-gusto niyang makatrabaho ang aktor sa serye.

Sabi pa sa amin na hindi rin kasi kakayanin ng singer/actress ang schedule ng tapings ng FPJ’s Ang Probinsiyano dahil kaliwa’t kanan nga ang shows nito at ayaw namang maging cause of delay siya dahil malapit na itong umere.

FACT SHEET – Reggee Bonoan