HATAW! D'yaryo ng Bayan hatawtabloid.com
MUKHANG may Chinito problem si Enchong Dee dahil hindi niya personal na nakausap o nakita ang kuya niyang si AJ Dee na nagdiwang ng kaarawan noong Lunes, Hulyo 27.
Pumasok kasi sa Bahay ni Kuya si Enchong bilang robot na isa sa task niya bukod sa pagiging Homeboy ni Kuya.
At dahil robot nga si Enchong ay hindi siya puwedeng magsalita hangga’t walang go signal kaya’t habang nagsasalita ang kuya AJ niya sa confession room ay nakikinig lang siya at tumutulo lang ang luha.
Halatang masama rin ang loob ng kuya AJ ng aktor dahil first time raw niyang magdiriwang ng kaarawan na hindi kasama si Enchong. Nakagawian na kasi nilang pamilya na sama-sama silang nagsisimba bilang pasalamat at saka kakain sa labas.
Sabi pa ni AJ na pinalaki raw sila ng magulang nila na maging close sa isa’t isa kaya pala mabigat sa loob ni Enchong na pumasok sa PBB noong Linggo dahil nga birthday ng kuya niya ng Lunes.
Marami pang ikinuwento ang kuya AJ ni Enchong na ngayon lang namin nalaman kung bakit prim and proper ang bida ng Wansapanataym’s My Kung Fu Chinitodahil malapit siya sa pamilya niya at kapag may problema ay sila-sila rin ang nagtutulungan.
Kaya sobrang bait ni Enchong ay kung ano-anong negatibong isyu ang ibinabato sa kanya na sabi nga ng kuya AJ niya ay huwag pansinin at ipagpatuloy lang ang pagtatrabaho dahil ipinagmamalaki niya ang kapatid.
Si Enchong ang tatayong pinaka-kuya sa kanilang magkapatid dahil nagbilin ang kuya AJ niya na alagaan ang bunso nilang si Isaias.
Sa Norway na pala maninirahan si AJ kaya gusto rin sana ng aktor na bago umalis ang kuya niya ay makapag-bonding sila.
Anyway, bukod sa PBB 737 ay mapapanood si Enchong kasama si Richard Yap sa Wansapanataym Presents: My Kung Fu Chinito tuwing Linggo ng gabi.
FACT SHEET – Reggee Bonoan
