HATAW! D'yaryo ng Bayan hatawtabloid.com
DAHIL sa pagiging demanding ni Cristine Reyes ay tinanggal siya bilang isa sa endorser ng Ever Bilena Cosmetics kasama sina Diane Medina at Sunshine Cruz.
Kuwento mismo ng mga taga-Ever Bilena na hindi nila sukat akalain na may pagka-diva pala ang dating sexy star dahil noong kausap naman daw nila ito ay mabait.
Ang kuwento sa amin, “during the pictorial shoot ng tatlong ambassadress, biglang nagpa-iba ng schedule si Cristine kasi hindi raw siya puwede, tapos humingi ng sariling dressing room, ayaw niyang may kasama sa room.
“Sabi namin na hindi puwedeng mag-iba siya ng araw kasi kailangan sabay-sabay silang tatlong kunan at sa dressing room, hindi naman puwedeng hindi sila magkakasama kasi iisa lang naman ‘yung kuwarto.”
Nang sabihin daw nh taga-Ever Bilena na hindi puwede ay ipinipilit pa rin daw ni Cristine na hindi siya puwede sa naka-set na schedule dahil may lakad siya.
Bukod dito ay marami pa raw reklamo ang aktres kaya ang ending, tinanggal na siya bilang isa sa endorser at pinalitan siya ni Ms Puerto Rico na sumali sa Ms Earth kamakailan.
Sabi tuloy ng katotong nakarinig sa kuwento, “ganoon, feeling sikat, eh, wala na nga siya ngayon, wala ng career? At saka si Sunshine Cruz ginanoon niya? Hindi na siya nahiya?”
Oo nga AA, ano na naman bang drama mo at nagmamaganda ka na naman, ‘di ba’t kailangan mo ng raket?
FACT SHEET – Reggee Bonoan
