Derek, lucky charm ng contestants sa Happy Truck ng Bayan

ONE month after ng pilot episode ng happiness-on-wheels sa Sunday noontime program ng TV5, patuloy pa rin ang Happy Truck Ng Bayan sa paghahatid ng saya’t lingguhang fiesta sa bansa.

Last July 12, isa na namang masuwerteng contestant ang nag-uwi ng jackpot prize! Wagi si Aldrin Santos sa total cash prize na P225K mula sa Kwarta o Kwartruck segment ng show. Bago ito, siya’y itinanghal na Barangay Most Wanted tapos umangat laban sa 150 niyang mga kapitbahay at kapit-barangay.

Nakatulong sa tagumpay ni Aldrin ang Happy Truck Ng Bayan host na si Derek Ramsay na siyang nagturo sa masuwerteng “Kwartruck”. Dahil feel ni Derek na kargo niya ang kapalaran ni Aldrin at ng kanyang asawa, sinaluhan niya ito sa Kwartruck para kung ano man ang bumagsak sa mag-asawa ay kasama siya. Suwerte namang ang jackpot prize pala ang nandoon sa pinili nilang “Kwartruck”.

Pansin ng fans na may dalang suwerte si Derek sa programa. Sa pilot nito sa Tondo, itinuro ni Derek ang “Kwartruck” ni Gelli at saktong nandito ang jackpot. Ang unang jackpot winner na si Prince, pinili naman ang “Kwartruck” na kinatatayuan ni Derek na sakto ring kinalalagyan ng jackpot.

Samantala, bida naman ang mga machong construction workers na mayroong talino at talent sa bagong segment dito na O.C.W. (Ooooh, Construction Worker!). Instant hit agad sa mga audience at netizens ang personality search na ito! Pinag-usapan sa social media ang “O.C.W.” tapos ang pasikatan ng mga machong konstru ng kanilang mga sexy moves at patunayang sila ang “man for the job”.

Maaring mag-audition sa “O.C.W” sa TV5 Novaliches, Quezon City o kaya’y magpadala ng mga picture at contact details sa http://Facebook.com/HappyTruckNgBayan

Sakay na sa biyaheng happy at samahan sina Ogie Alcasid, Janno Gibbs, Gelli De Belen, Mariel Rodriguez-Padilla, Derek, Jasmine Curtis Smith, Empoy, Tuesday Vargas, Kim Idol, Eula Caballero, Ritz Azul, Alwyn Uytingco, Martin Escudero, Tom Taus, Toni Aquino, Vin Abrenica, Sophie Albert, Chanel Morales, Akihiro Blanco, Shaira Mae, at Mark Neumann sa Happy Truck Ng Bayan every Sunday, 11:30PM sa TV5!

ALAM MO NA! – Nonie V. Nicasio