HATAW! D'yaryo ng Bayan hatawtabloid.com
MAY bagong kakaharaping problema si Marco Masa bilang si Nathaniel dahil akala niya ay patay na si Leo Martinez bilang si Mang Roman (tagasundo) hindi pa pala dahil pinalitan siya ni Baron Geisler bilang si Gustavo Palomar.
Nakadagdag pa ang gusot ngayon nina Ms Coney Reyes bilang si ALV at Pokwang bilang si Aling Beth dahil nga ipinagtapat na ng una na anak niya si Sharlene San Pedro bilang si Hannah.
Hiniling ni AVL kay Nathaniel na tulungan siyang ayusin ang gusot nila ni nanay Beth niya at ate Hannah na sa kuwento ay tita niya dahil kapatid ng papa niyang si Gerald Anderson bilang si Paul.
Isa pang haharaping problema ni Nathaniel ay ang nalalapit na pagpapakasal ng daddy Paul niya kay Isabel Daza bilang si Atty. Martha na may lihim na plano kasama ang kuya niyang si David Chua as Aaron.
Mahaba-haba pa ang lalakbayin ng kuwento ng Nathaniel dahil magkakaroon pa ng gulo rin sina Gerald at John Lloyd Cruz bilang si Atty. Francisco Lucas na maniningil din sa pamilya ni AVL.
Anyway, base sa napanood namin noong Lunes ng gabi ay lumabas na ang karakter ni Baron at nagmamasid-masid sa mga nangyayari kina AVL at Beth na nagkakagulo.
FACT SHEET – Reggee Bonoan
