HATAW! D'yaryo ng Bayan hatawtabloid.com
SOBRANG thankful si Ynna Asistio dahil napasama siya sa LolaBasyang.Com na mapapanood na bukas ng 7:00 p.m. sa TV5 dahil wala palang regular show ito sa ABS-CBN na mayroon siyang kontrata sa Star Magic.
Nilapitan ni Ynna ang program manager ng The IdeaFirst Company na si Mr. Omar Sortijasna nagpapasalamat at sabay sabing, ”so tuloy-tuloy na ito hanggang March? Kasi kailangan ko.”
Graduating na kasi ang panganay na anak ni Nadia Montenegro sa kursong Communication Arts sa Centro Escolar University at kung hindi kami nagkakamali ay si Ynna na rin ang nagpapaaral sa sarili niya bukod pa sa tumutulong siya sa pamilya niya.
Kasama si Ynna sa episode ng Ang Plawtin ni Periking sa LolaBasyang.Com mula sa direksiyon ni Perci Intalan.
Samantala, itinanggi ni Ynna ang nabalitang may gusot ang mama Nadia niya at mga kaibigan nitong sina Precy V. Ejercito at Laarni Enriquez.
Bagamat nasulat na namin dati rito sa Hataw ang panig ni Nadia ay nananatiling hindi pa rin sarado ang isyu dahil hindi naman nagbibigay ng panig pa sina Precy at Laarni.
Ayon kay Ynna, walang katotohanan ang gusot, ”hindi po, wala namang ganoon.”
“Marami pong nagtatanong sa amin kung anong nangyari kay Tita Precy at kay Mommy, wala naman po, wala namang sinasabi at wala akong napapansin kay mommy.”
FACT SHEET – Reggee Bonoan
